كلش بتصالك واضح الصوت

قصيدة كلش بتصالك واضح الصوت //// للعلم ايهاب المالكي

كلش باتصالك واضح الصوت بس مو واضحه كلش نبرتك

فرق كلش جبير بين الاثنين حرورة دمعي وبرودة ضحكتك

صوجك علمتني افتهمك بساع تسكت وافتهم كلشي بنظرتك

امسح جفن عينك من الدمع قبل لاتخنك بصدرك عبرتك

فهمتك وانه قلبي يعجبك بهاي صوتك يوصله حته بسكتك

ولاتعتذر عذرك عندي مقبول خله مساترة وهيج افتهمتك

بعد لازم وراي ارجع للاحلام واردامسح صور بيهن رسمتك

اجيت ابالي مرة وصدكت جاي بجيت وشبكت مسودن شبكتك

اشبعد عندك حجي وشرايد ادكول تريد تعوفني وصلت فكرتك

حبيبي ادلل ادري تريدني انساك عفوا قصدي تدلل حضرتك

مدري شجابني وكلت اتصل بيك اجه الليل وجنت وحدي وذكرتك

عرفتك من ردت تحجيلي موضوع حجيته وغلبت احروفك حسرتك

وعرفتك من حجيت بطاري الوداع عرفتك يمكن اطول سفرتك

قفلت احلامي والخط بعدة مفتوح وكلتلي وياي ؟كتلك سمعتك

ردت نوصف وكته احساسي وياك ردت تعرف الحصلته بعشرتك

وبجيت وكتلك انته تخيل اتكون بنص معركة وتعثر مهرتك

على كل الخلص من عمري ندمان وعلى كل الوصل منك شكرتك

وهيه حيرة من اودعك ارجع مين والمن جايك والمن تركتك

من ارد للشمس هسه بعيني مااشوف ياليلي نسيته بكد ماسهرتك

يل حالفلي بس ماتارك اشهود بس فراشك وحايط غرفتك

انعم الله عليك كتلي وانه ممنون منك على الوفه الشفته بعشرتك

وبعد ماتفرق انته تعود لو لا على كل حال اني خسرتك

خــــــــــــــــــــــالص ودي وحبي كوريا فور ايند

تسلمين حبي

رووووووووووووووووعة مبدعة

شكرا يا مبدعه

سوري على التكرار بالخطا

» قصيدة كلش بأتصالك واضح الصوت...(الى كل مجروح)...
» اقوى برنامج عملاق حصريا لتغير الصوت