قصيدة كلش بأتصالك واضح الصوت...(الى كل مجروح)...

للشاعر ايهاب المالكي
شعر للمجروحين فقققققط

كلش باتصالك واضح الصوت
بس مو واضحة كلش نبرتك

فرق كلش جبير ابين الاثنين
حرورة دمعي وبرودة ضحكتك

صوجك علمتني افتهمك بساع
تسكت وافتهم كلشي بنظرتك

امسح جفن عينك من الدموع
كبل لاتخنك ابصرك عبرتك

فهمتك وانه كلبي يعجبك بهاي
صوتك يوصله حتى بسكتك

ولاتعتذر عذرك عندي مقبول
خلهه مساتره وهيج افتهمتك

بعد لازم وراي ارجع للاحلام
ارد امسح صور بيهن رسمتك

اجيت ابالي مرة وصدكت جاي
بجيت وشبكة مسودن شبكتك

شبعد عندك حجي وشرايد تكول
تريد تعوفني وصلت فكرتك

حبيبي اتدلل ادري تريدني انساك
عــــــــفوا قصدي تدلل حضرتك

مدري شجابني وكلت اتصل بيك
اجه الليل وجنت وحدي وذكرتك

عرفتك من ردت تحجيلي موضوع
حجيته وغلبت حروفك حسرتك

وعرفتك من حجيت بطاري الوداع
عرفتك يمكن تطول سفرتك

قفلت احلامي والخط بعده مفتوح
وكلتلي وياك أي كتلك سمعتك

ردتني او صف وكتهه احساسي وياك
وردت تعرف الحصلته بعشرتك

وبجيت وكتلك انته اتخيل اتكون
نص المعركة وتعثر مهرتك؟؟؟؟؟

على كل الخلص من عمري ندمان
وعلى كل الوصل منك شكرتك

واهي حيره من اودعك ارجع منين
والمن جايك والمن تركتك

من ارد للشمس هسه بعيني ماشوف
يليلي انسيتهه بكد ماسهرتك

يلحالفلي بس ماتارك شهود
بس فراشك وحايط وغرفتك

انعم الله عليك كتلي وانه ممنون
منك على مجازاتي بعشرتك

وبعد ماتفرق انته تعود لو لا
على كل حال من عدهن خسرتك[/center]

قصيدة كلش بأتصالك واضح الصوت...(الى كل مجروح)... Iraqiaa9bb57dce40

الله يعينة الميفتهم عراقي
خــــــــــالص حبي واحترامي
korea for en[/size]d

شكرا على الشعر الرائع والجميل
بس منو جرحج

صدك منو جرحج بس لا حبيبج

كتير حلوة شكرا عل القصيدة الحلوة دمتي و دامت اناملك الذهبية

قصيده راائعهـ ,,,

وان شااء الله ابد ما نشوفج حزينه

^^

صحيح انغدرت بس مو من حبيبي فد شخص يعرفة حبيبي

القصيدة رووووووووعة

حبي الماضي راح و انتهة لتفكرين بيه خلي يولي و لا تجرحين نفسج بي

فكري بالمستقبل

اذا هوة المستقبل طايح حظة شباوع عليه

الله كريم كولشي بوكته حلو

الله كريم ومنو كال الله بخيل

لالا حباب ههههههههههههه

» كلش بتصالك واضح الصوت
» اقوى برنامج عملاق حصريا لتغير الصوت
» قصيدة الحزن